Khris Tangmite icih pen thuneihna sangmahmah a kipia gam khat tanga Palaina a sem dinga gamdang khatah a kisawlkhia mi ahi hi. Ahi zongin Tangmi ihihna pen Kha thu lam hi a, tua mah bnagin them vei sung bek ahi hi. Gam khat atangmite mah bangin hileitungah ei-le-ei a kiguangtawm ihi kei hi. Eite hong teelpa pen kumpited Kumpipa, tote Topa leh eite hong Honpa Jesu Khris ahi hi. Khris Jesu sungah Upna tawh Pasian mite Pasian tate ihih mah bangina thupi mahmah leh a manpha mahmah te ihi hi. Hih leitungah gammi khat ihih bekthamlohin “Mi siangthote tawh Pasian innkuan khat ihi hi. Eph. 2:19 Vantung Kumpipa nasem khat ihih mah bangin Khris ading (Full-time) hunbit nasem ihi hi. Ei deihna banga gamta ding hinawnlo-in Eite hong sawlpa deihna banga gamta dingte ihi hi. TAngmi khat ahih mah bnagin a hunhunin thukizaksakna a puak zel dingte ahi hi. Eite hong sawlpa in hong sapkik matengin i nasepna ah citak takin sem ciat ni!